எல்லாம் வல்ல அல்லாஹ்வின் கிருபையால் அன்வாருஸ் ஸூஃப்பா தீனியாத் மக்தப் வழிகாட்டி நிறுவனம் 2001-ல் துவக்கப்பட்டு 2004-ம் ஆண்டு மும்பையின் முறைப்படுத்தப்பட்ட தீனியாத் மக்தப் நிறுவனத்துடன் இணைந்து மூத்த உலமாபெருமக்கள் மற்றும் 33 நிர்வாகிகளின் ஆலோசனைகளின் அடிப்படையில் குறிப்பாக மதிப்புமிகு தமிழ் மாநில ஜமாஅத்துல் உலமா சபையின் முழு அங்கீகாரத்துடன் மிகச்சிறப்பாக செயல்பட்டு வருகிறது.

தற்போது 2500-க்கும் மேற்பட்ட மஸ்ஜிதுகள் மற்றும் மக்தப்களில் ஆண்கள், பெண்கள், பிள்ளைகள் என 1,33,000 (ஒரு இலட்சத்து முப்பத்தி மூன்று ஆயிரம்) மாணவ மாணவிகள் பயின்று வருகிறார்கள், அல்ஹம்துலில்லாஹ்.

இந்த நிறுவனம் ஒவ்வொரு மஸ்ஜிதுகளிலும் அந்த மஸ்ஜிதின் இமாம் மற்றும் நிர்வாகத்தினரின் அனுமதியோடும், ஆதரவுடனும் அஹ்லுஸ் ஸூன்னத் வல்-ஜமாஅத் அடிப்படையில் வழிகாட்டிவருகிறது என்பதை தெளிவாக தெரிவித்துக் கொள்கிறோம்.

மக்களுக்கு மார்க்க கல்வியை சேர்ப்பதற்கு மக்தபுதான் இலகுவான வழி என்பதை ஆழ கருத்தில் கொண்டு அல்லாஹ்வின் கிருபையால் சிறுவர், சிறுமியர், ஆண், பெண் என அனைவருக்கும் மார்க்கத்தின் அடிப்படைக் கல்வியைச் சேர்ப்பதே நோக்கமென நமது அன்வாருஸ் ஸூஃப்பா தீனியாத் நிறுவனம் செயல்பட்டு வருகிறது.